Përroi i Zharrëzës është tërësisht i ndotur nga mbetje hidrokarbure.
Kjo ndotje është kthyer në një shqetësim për banorët pasi përroi kalon në disa zona të banuara si në Zharrëz , Katund i Ri, Frashër, Sheqishte.
Derdhjet më të mëdha kanë qënë mbrëmjen e djeshme.
Kjo ndotje vjen nga vend grumbullimi i naftës që i përket kompanisë Albpetrol.
Ndotja me mbetjet hidrokarbure bëhen akoma më shqetësuese pasi derdhen te vija e Ngjalës e më pas në Lumin Gjanicë në Fier i cili mbrëmjen e djeshme ishte i ndotur dhe me aromë të rëndë.
Banorët thonë se si pasojë e ndotjes hidrokarbure shumë banorë të Zharrëzës janë të sëmurë me sëmundje në gjak.
Top Channel
