Operacioni policor në Velipojë, 2 biznese kishin zënë më shumë hapësirë se sa kishin në leje
30/06/2021 12:48
Kultivimi i bimëve narkotike, caktohet arrest me burg për nëntë persona nën hetim! Çfarë zbuluan hetimet e SPAK 25/04 15:25
Operacioni “Bregdeti ynë” vijon në të gjithë vijën bregdetare të vendit për lirimin e hapësirave të zaptuara në mënyrë të paligjshme me shezlongë e çadra.
Gjatë gjithë vijës bregdetare në Velipojë janë verifikuar 27 subjekte, 2 prej të cilëve kishin zënë më shumë hapësirë publike se sa parashikohej nga leja përkatëse në e-Albania.
Në këto 2 subjekte janë hequr 40 shezlongë dhe rreth 20 çadra.
Velipojë, Shkodër
Në kuadër të operacionit “Bregdeti ynë”, nis faza e dytë e operacionit për lirimin e hapësirave bregdetare të zaptuara në mënyrë të kundërligjshme me shezlongë e çadra. Në zbatim të planit operacional të hartuar nga Drejtoria e Përgjithshme e Policisë së Shtetit “Për kontrollin e vijës bregdetare në drejtim të zaptimit të vijës bregdetare nga subjekte apo persona të cilët nuk janë konfirmuar nga e-Albania”, Task-Forca e veçantë në përbërje të së cilës ka 2 grupe FNSH, shërbime të Komisariatit të Policisë Shkodër dhe Stacionit të Policisë Velipojë, në bashkëpunim me bashkinë Shkodër, prej mëngjesit të sotëm ka nisur kontrollet dhe verifikimet në territorin e plazhit në Velipojë, Shkodër. Gjatë gjithë vijës bregdetare në Velipojë janë verifikuar 27 subjekte, 2 prej të cilëve kishin zënë më shumë hapësirë publike se sa parashikohej nga leja përkatëse në e-Albania. Në këto 2 subjekte janë hequr 40 shezlongë dhe rreth 20 çadra. Operacioni vijon pa probleme.
Top Channel
