Një tjetër rast i armëmbajtjes pa leje është goditur në Mat dhe si rezultat në pranga ka rënë një 53-vjeçar, banues në Klos.
“Si rezultat është bërë arrestimi në flagrancë i shtetasit: N. B., 53 vjeç, banues në Klos. Shërbimet e Policisë, gjatë kontrollit të ushtruar në një terren të hapur të njësisë Administrative Suç, kanë kapur shtetasin N. B., duke qarkulluar me armë zjarri pushkë me krëhër të mbushur me fishek”, njofton policia.
Gjatë kontrollit në banesën e tij janë gjetur e sekuestruar një sasi municioni luftarak që i posedonte pa lejen e organeve kompetente.
Materialet procedurale i kaluan Prokurorisë së Rrethit Mat, për veprën penale ” Mbajtja pa leje dhe prodhimi i armëve, armëve shpërthyese dhe i municionit”.
Top Channel
