Lëkundje të forta tërmeti në Turqi, ja sa ishte magnituda 25/11 20:15
Disa pamje të frikshme tregonin sot në Rusi momentet kur tre të rinj u ngjitën nga tubi i shkarkimit pranë një dritareje të një apartamenti në flakë, duke shpëtuar tre fëmijë të vegjël të mbetur brenda.
Tre burrat u ngjitën në faqen e pallatit në qytezën Kostroma Oblast, duke qëndruar në intervale gjatësie dhe zbritën nga njëri te tjetri, dy djemtë dhe vajzën e vogël nga dritarja e apartamentit të tyre në flakë.
Fëmijët që ishin mbyllur brenda vetëm po bëheshin gati të hidheshin nga dritarja kur tre heronjtë u ngjitën nga tubi i shkarkimit të pallatit për t’i shpëtuar.
Një burrë i katërt në tokë i priste të vegjëlit kur zbriteshin nga të tjerët. Fqinjët kishin shpëtuar gjithashtu macen e shtëpisë Pushok.
Burri që ishte ngjitur më lart dhe merrte fëmijët nga dritarja, u emërua si 40 vjeçari Stanislav Smirnov.
Ai më pas i kalonte ata poshtë te 35 vjecari Dhamal Gassoyan, poshtë tij. Ky i fundit tha: “Unë pashë fëmijët që po bëheshin gati të hidheshin, prandaj ne u ngjitën me anë të tubit dhe i morëm. Më pas unë pashë që në shtëpi kishte mbetur një mace. U ngjita brenda dhe e mora dhe atë.”
Fëmijët e lënë në apartamentin në Kostroma Oblast “ishin të gjithë të përlotur” dhe raportohet se kishin vetëm djegie të vogla.
“Falë Zotit ata shpëtuan,” tha Dhamal.
Burri i tretë që qëndronte te tubi ishte Ivan Potyomin, 35 vjeç.
Një prej rrjeteve vendase thoshte se prindërit “kishin mbyllur fëmijët brenda për të dalë”.
Në artikull shtohej: “Një zjarr nisi në një apartament, dera nuk mund të thyhej kështu që fqinjët u ngjitën deri në katin e tretë nga tubi i shkarkimit. Duke rrezikuar jetën e tyre, burrat i shpëtuan fëmijët nga vdekja duke i nxjerrë nga dritarja”.
Zjarri raportohet se ishte shkaktuar nga loja e fëmijëve me një çakmak, ndërsa shkaqet e sakta po hetohen nga autoritetet ruse.
Fqinjia Anna Bosak tha: “Fëmijëve të shkretë u ishin djegur flokët. Edhe pak më vonë dhe nuk do të kishte më askënd për të shpëtuar”.
Një tjetër fqinje, Elena Bosak tha: “Ishte e tmerrshme të shihje fëmijët në dritaren që digjej.”
“Për fat asnjë nga fëmijët ose të rriturit nuk u lënduan rëndë. Zjarrfikësit që erdhën në skenë arritën të shuajnë krejtësisht zjarrin brenda 40 minutave”.
Ministra ruse e emergjencave falenderoi banorët e guximshëm për përpjekjet e tyre.
Top Channel
