Rrëmbimi masiv në shkollën katolike, lirohen 130 nxënës të tjerë në Nigeri 21/12 21:41
Qindra njerëz janë plagosur sot në përplasjet mes palestinezëve dhe forcave të sigurisë në Jeruzalem gjatë marshimit ku shënohet pushtimi izraelit i qytetit të shenjtë në 1967.
Rreth 300 njerëz u plagosën në përleshjet e sotme, njoftoi Gjysmë-Hëna e Kuqe, disa prej të cilëve jane në gjendje të rëndë. Ndërsa policia izraelite tha se 21 oficere u lenduan, nje prej te cilave ne gjendje te rende.
Një nga incidentet më të rënda ishte ai i kapur nga kamerat kur një makinë që kalonte në Qytetin e Vjetër të Jerusalem goditet me gurë nga protestuesit dhe në shenjë hakmarrjeje shoferi ngjitet mbi trotuar duke goditur banorët palestinezë që protestonin.
Kur makina e sulmit ndaloi e penguar nga një mur, protestuesit godisnin me objekte shoferit izraelit që i sulmoi, derisa një oficer i armatosur policie erdhi në mbrojtje të tij.
Përleshjet mes palestinezëve dhe forcave izraelite të sigurisë u përkeqësuan në ditët e fundit të muajit të Ramazanit, i cili përfundon më 12 maj.
Qendra e përplasjeve ka qenë xhamia e Al-Aqsa – vendi i tretë më i shenjtë i fesë islame – ku forcat izraelite kanë kryer ndërhyrje të dhunshme ndaj besimtarëve palestinezë.
Tensionet janë të larta në Lindje të Jeruzalemit mes banorëve palestinezëve dhe kolonëve izraelitë, që kërkojnë të vendosen në tokat e pushtuara. Një gjyq për cështjen është shtyrë për një datë të mëvonshme.
Ndërkohë një marshim palestinez në kujtim të Luftës Gjashtë-ditore – kur Izraeli mundi forcat egjiptiane, jordaneze dhe siriane për të marrë kontrollin e Qytetit të Vjetër të Jerusalem, po mbahej sot, duke kërcënuar përshkallëzim tjetër të dhunës.
Top Channel
