Lufta shkatërruese, zyrtari i OKB-së: Mund të nevojiten 14 vjet për ta pastruar Gazën nga mbeturinat 26/04 15:26
Vrasësja seriale australiane Kathleen Folbigg ka bërë një peticion për falje që është mbështetur nga ekspertët, të cilët thonë se mund të jetë viktimë e një gjykimi të gabuar.
Ekspertët së fundmi mbështesin pretendimet se fëmijët e saj të vegjël mund të jenë vdekur nga shkaqe natyrale, dhe jo të jenë vrarë nga nëna e tyre.
Kathleen Folbigg konsiderohet si një prej vrasëseve seriale të famëkeqe të Australisë por një numër ekspertësh në rritje tonë se dënimi i saj duhet të rikonsiderohet.
Folbigg, e cila u dënua me 40 vjet burgim në 2003, ka bërë një peticion për falje për guvernatorin e rajonit New South Wales “bazuar në prova të konsiderueshme për vdekje natyrale të të vegjëlve” në të katër rastet.
Ajo është dënuar për vrasjen e djalit tetë-muajsh Patrick Allen, vajzës 10 muajshe Sarah Kathleen, e Laura Elizabeth, 19 muajshe.
Folbigg është shpallur gjithashtu fajtore për vrasje nga pakujdesia të bebes 19-ditëshe Caleb Gibson, në tragjeditë e ndodhura nga viti 1989 deri në 1999.
Peticioni i saj për guvernatorin mbante firmat e 90 studiuesve dhe mjekëve në profesion.
Apeli i saj vjen pas provave të reja ku përfshihet hetimi gjenetik i fëmijëve.
Kreu i Akademisë Australiane të Shkencave John Shine dhe se tre gjykatës të cështjes kishin mbajtur “të njëjtin qëndrim të pasaktë mbi provat gjenetike”.
Shine tha: “Është shqetësuese që nuk ka një mekanizëm për të vlerësuar saktësisht provat mjekësore e shkencore mbi çështjen. Tashmë ka një shpjegim alternativ për vdekjen e fëmijëve të Folbigg, që nuk mbështetet vetëm në provat rrethanore.”
Folbigg kishte qenë prezente në skenën e të gjitha vdekjeve të fëmijëve te saj, dhe një autopsi zbuloi se Laura vuante nga miokarditis – një inflamacion i muskujve të zemrës që mund të bëhet fatal.
Ndërsa Patrick vuante nga epilepsia dhe vdekja e tij u shkaktua nga bllokimi i rrugëve ajrore prej krizës dhe infeksionit.
Ndërsa dy vdekjet e tjera u regjistruan si të ardhura prej sindromës së “vdekjes së papritur të foshnjës”.
Pediatri gjeneticist Jozef Gecz, nënshkrues i peticionit, pranonte provat për shkaqe natyrale të vdekjes, më se shumti për vdekjet e foshnjeve vajza.
Hetimet raportohet se vazhdojnë për zbulimin e shkaqeve të mundshme gjenetike të vdekjes së djemve.
Rasti kriminal i dënimit të Folbigg u bazua në ditarin e saj, i cili ishte lexuar nga bashkëshorti i atehershem, që e denoncoi në polici.
Top Channel
