G7 rikonfirmon mbështetjen financiare dhe ushtarake për Ukrainën 19/04 07:44
Një nënë elefant ka shpëtuar beben e saj nga mbytja pasi thirri për ndihmë të gjithë tufën për të tërhequr dhe çliruar të voglin e saj.
Fotot emocionuese nga rezervati ne Afriken e Jugut tregojnë këlyshin kurioz që eksploron bregun e lumit para se të bjerë në thellësi teksa tenton të pijë.
Në momentet më dramatike, koka e tij mezi shihet sipër ujit teksa nëna në panik tenton ta tërheqë me noçkën e saj.
Por duke ndjerë rrezikun ajo thërret për ndihmë të paktën pesë anëtarë të tufës të cilët i bashkohen dhe rrjedhimisht arrijnë të nxjerrin këlyshin nga uji.
Fotografi Wesley Wolmarans thotë: “Nëna nisi të kërcente në vend duke u panikosur teksa shihte të voglin e saj që mezi mbante kokën sipër ujit”.
“Tentativat e nënës shkaktuan klithma të forta dhe brenda dy sekondash e gjithë tufa erdhi duke u futur në ujë për të kërkuar të voglin”.
“Duke përdorur këmbët dhe noçkat e tyre ata shtynin të voglin drejt bregut derisa ai arriti të ngjiten në tokë të fortë. Frika shihej në sytë të tyre”.
Në pamje shihet momenti kur elefanti i lagur çlirohet dhe më të mëdhenjtë krijojnë një rreth mbrojtjeje rrotull tij.
“Pas kësaj nëna e mbante atë gjithmonë larg ujit”, tha Wolmarans.
Ka ndodhur shpesh që elefantë të vegjël të mbyten në ujëra të thella ose me rrymë të shpejtë.
Edhe shpëtimi koletiv i dëshmuar nga Wolmarans është diçka e zakonshme në botën e egër, ku anëtarët më të vjetër të tufës janë vigjilentë për të ruajtur të vegjëlit e njëri-tjetrit.
Top Channel
