SHBA, sanksione në Serbi e Mal të Zi/ Penalizohen disa kompani që mbështetën Rusinë në luftën me Ukrainën
31/10 22:59
Në një video të publikuar së fundmi tregohen moment e rënda kur një 19-vjeçar australian i sëmurë me kancer në kocka, i thotë prindërve të tij se dëshiron të vdesë, para se të vrasë veten në shtëpi.
Fatkeqi Rhys Habermann regjistroi pamjet në janar 2017 teksa po humbiste betejën 18-mujore me kancerin, i cili nisi në ijet e tij por u përhap në shpatulla, brinjë, shtyllën kurrizore, kafkën dhe mushkëritë.
Teksa përballej me mundësinë e vdekjes në agoni në repartin e kujdesit te ditëve të fundit të jetës, Rhys vendosi t’i jepte fund vetë, por insistoi të regjistronte videon për të mohuar akuza të mundshme ligjore ndaj prindërve të tij Brett e Liz.
“Besoj në të drejtën time për të vdekur sipas zgjedhjes time. Kjo është e vështirë për të gjithë por unë refuzoj të kaloj kujdesin paliativ (të fundit të jetës)”, thotë 19 vjeçari.
Disa minuta pas regjistrimit ai i jep fund jetës para prindërve të tij, pa treguar sesi. Motrat e vëllezërit e tij nuk ishin prezentë për të eliminuar mundësi të përfshirjes në akuza.
Disa orë pas ngjarjes policia mbërriti në vendngjarje. Pas një hetimi prej 18-muajsh prindërit e të ndjerit Brett e Liz u çliruan nga akuzat, kryesisht falë videos.
Eksperienca traumatike nisi në 2015 kur Rhys, në vitin e fundit të studimeve në kolegjin Immanuel College në Adelaide, u kthye në shtëpi duke u ankuar për një dhimbje në ije.
Analizat e detajura zbuluan se ai vuante nga sarkoma Ewing, një tip kanceri i kockës, me mundësi të vogla mbijetese vetëm për disa vjet.
Djali nisi menjëherë kemioterapinë, të cilën babai e përshkruante si “e tmerrshme” pasi dëgjonte të birin në dhomën e tij duke vjellë vazhdimisht pas trajtimit.
Liz tha se me vijimin e trajtimit, Rhys nisi të fliste për dëshirën e ndalimit të vuajtjeve, prandaj kërkoi konsulencë të shëndetit mendor.
Por pas ditëlindjes së 18-të ai vendosi të ndalonte kemioterapinë dhe të shijonte kohën që i kishte mbetur.
Ata shkuan për pushime në Tailandë me vëllanë e vogël dhe një shok.
Kur djali mbushi 19 vjec, doktorët konfirmuan diagnozën më të keqe, atë të përhapjes së kancerit, që po e vriste. Djali vrau veten ne shtepi duke shmangur akuzat per perfshirje ndaj prinderve.
Top Channel
