Zgjedhjet e 25 prillit/ Ambasadori britanik: Urime Ramës, inkurajojmë institucionet të hetojnë parregullsitë e pretenduara

28/04/2021 19:05

Ambasadori britanik Duncan Norman, përmes një postimi në twtter uron Kreyministrin Rama për fitoren në zgjedhjet 25 prillit, po ashtu, nga ana tjetër përgëzon fushatën e mbështetur në programe të zhvilluar nga PD.

“Mbretëria e Bashkuar ka mbështetur dhe ka ndjekur nga afër përgatitjen dhe organizmin e zgjedhjeve të 25 prillit. Pamë me kënaqësi zbatimin e legjislacionit zgjedhor dhe pjesëmarrjen e gjerë të qytetarëve në votim”, është shprehur më tej në fjalën e tij Norman, duke shtuar se institucionet shqiptare duhet të hetojnë të gjitha parregullsitë e pretenduar në lidhje me procesin.

Ambasadori Duncan Norman në Twitter:

“Urime Kryeministrit Edi Rama dhe Partisë Socialiste për rezultatin në zgjedhjet parlamentare, si dhe qytetarëve për pjesëmarrjen e tyre, pavarësisht kufizimeve të COVID19.

Theksojmë gjithashtu fushatën e mbështetur në programe që zhvilloi Partia Demokratike si dhe rritjen e shënuar në rezultat.

Mbretëria e Bashkuar ka mbështetur dhe ka ndjekur nga afër përgatitjen dhe organizmin e zgjedhjeve të 25 prillit. Pamë me kënaqësi zbatimin e legjislacionit zgjedhor dhe pjesëmarrjen e gjerë të qytetarëve në votim.

Inkurajojmë gjithashtu institucionet shqiptare të hetojnë të gjitha parregullsitë e pretenduara në lidhje me procesin.”

Top Channel