Ministrja gjermane: G7 duhet t’i përgjigjet sulmit të Iranit kundër Izraelit 18/04 22:35
Nëna e një prej viktimave Amanda Mosier, zbuloi trupat në shtëpinë e tyre në Indiana, SHBA. Bija e saj Jessica Bixler përshkruhej si një “lule që të bën gjithmonë të buzëqeshësh”.
Një adoleshent amerikan ka vrarë me armë kushërirën e tij dhe të dashurin e saj, para se të kthente armën nga vetja, tha policia.
14 vjeçari Cole Bixler, po qëndronte në një shtëpi bashkë me 21 vjeçarin Mason George, dhe të dashurën e tij Jessica Bixler, 22 vjeçe, në Owensburg, Indiana, kur ndodhi tragjedia më 16 prill.
Autoritetet besojnë se ai ka vrarë Mason me pistoletën e tij, teksa flinte në divan.
Më pas ai qëlloi për vdekje kusheriren Jessica në dhomën e gjumit, para se të vriste veten.
Nëna e vajzës Amanda Mosier zbuloi trupat e viktimave dhe njoftoi policinë.
Policia tha se Cole kishte folur për vetëlëndim para tragjedisë dhe se vuante nga “lendime emocionale”, sipas te afermve.
Amanda shkruante më vonë në Facebook: “Zemra ime është e thyer. Kemi humbur Cole Bixler, vajzën time Jessica Gail Bixler dhe Mason George.”
“Unë dhe Jason Mosier i kemi humbur fjalët. I vlerësojmë lutjet tuaja dhe ofertat për ndihmë”.
Në një nekrologji të saj, Jessica përshkruhej si një “shoqe e mirë” e “gjithmonë e lumtur”.
“Ajo shpesh e hapte shtëpinë e saj për këdo që kishte nevojë për ndihmë. Ishte një motër e madhe e mrekullueshme, që nuk kishte frikë të fliste opinionin e saj. Gjyshërit e përshkruanin si një lule që të bën gjithmonë të buzëqeshësh”.
Hetimet per ngjarjen vijojne.
Top Channel
