Gjykata ka dhënë masën Arrest me burg për Arbër Paplekën, dhe detyrim paraqitje të tjerët për vrasjen e Pjerin Xhuvanit në 21 prill në Elbasan.
Arbër Paplekaj i dyshuar për vrasjen e Pjerin Xhuvanit ka mbërritur i pari sot në Gjykatën e Elbasanit nën masa të rrepta sigurie bashkë me të akuzuarit e tjerë.
Prokuroria e Elbasanit ka kërkuar burg për të gjithë të akuzuarit përfshirë dhe Arjan Hoxhën dhe ish specialët e RENEA-s apo ish-policët, por gjykata vendosi vetëm për Paplekaj.
Arbër Paplekaj akuzohet për vrasje, vrasje e mbetur në tentativë e punonjësve të policisë dhe heqje e lirisë me dhunë;
Arjan Hoxha, akuzohet për heqje të lirisë me dhunë;
Pavlo Vuksani, akuzohet për heqje të lirisë me dhunë;
Emiljan Prenga akuzohet për heqje të lirisë me dhunë;
Julian Mataj akuzohet për heqje të lirisë me dhunë;
Erald Guga akuzohet për heqje të lirisë me dhunë;
Erjon Demushi akuzohet për heqje të lirisë me dhunë;
Taulant Ymeri akuzohet për heqje të lirisë me dhunë;
Roland Xhepa akuzohet për heqje të lirisë me dhunë;
Nuredin Kasma akuzohet për heqje të lirisë me dhunë;
Eldjo Beko është arrestuar “në flagrancë”, akuzuar për pengim të hetimeve;
Nga ngjarja e rëndë e ndodhur në Elbasan është shpallur në kërkim Klement Xhaferri, i dyshuar për kryerjen e veprës penale “Vrasja në rrethana të tjera cilësuese në mënyrë të rrezikshme për jetën e shumë personave, mbetur në tentativë” dhe vijon puna intensive për kapjen e tij. Një tjetër i arrestuar në flagrancë është Eldjo Beko, për veprën penale “Veprime që pengojnë zbulimin e të vërtetës”.
Kujtojmë se ngjarja ndodhi pas një përplasje të grupeve të PS-PD, ku Paplekaj pjesë e strukturës së mbrojtjes së PD qëlloi për vdekje Xhuvanin, ndërsa u plagosën dhe 4 të tjerë.
Top Channel
