Ekskluzive/ “Propozim premtues, përgëzojmë përpjekjet që bazohen në suksesin e reformave”, ambasada e SHBA për pr/rezolutën e Ramës: Presim rezultatet e dala nga procesi transparent 08/05 18:03
Ndërsa na ndajnë vetëm katër ditë para zgjedhjeve të 25 prillit, Presidenti i Republikës, Ilir Meta i ka bërë thirrje të gjithë qytetarëve shqiptarë që “të verifikojnë qendrat e tyre të votimit dhe me qetësi dhe vendosmëri të nisen drejt kutive të votimit në këto zgjedhje historike për vendin dhe kombin tonë për 100 vitet e ardhshme”.
Në një reagim në facebook, Meta po ashtu i bën thirrje të gjithë zyrtarëve që nuk janë të kapur nga politika që të mos e rëndojnë pozitën e tyre duke shkelur ligjin dhe Kodin në 25 prill.
Një paralajmërim Kreu i Shtetit ia dërgoi edhe ‘të fortëve’, të cilët sipas tij përdoren nga pushteti kriminal për presione dhe blerje votash, duke i thënë se të bëhen gati se pulat do t’ua sekuestrojmë.
Postimi i plotë:
Edhe 4 ditë, që Sovrani të rimarrë në duart e tij sovranitetin e grabitur pabesisht dhe poshtërsisht me zgjedhje si ato të Shijakut, të Dibrës, dhe me ato të paligjshme vendore.
Të gjithë qytetarët të verifikojnë qendrat e tyre të votimit dhe me qetësi dhe vendosmëri të nisen drejt kutive të votimit në këto zgjedhje historike për vendin dhe kombin tonë për 100 vitet e ardhshme.
Asgjë nuk e ndal triumfin e vullnetit të Sovranit, që përmes Referendumit të 25 Prillit do ta përmbysë Fuks-Shtetin e “Rilindjes” dhe do të rivendosë shtetin e së drejtës dhe Llogaridhënien.
Të gjithë ju zyrtarë, që nuk keni kartelë psiqike, mos e rëndoni pozitën tuaj duke shkelur ligjin dhe Kodin në ditët dhe orët, që vijnë.
Të gjithë ju “të fortë”, që po përdoreni nga pushteti kriminal për presione dhe blerje votash, bëhuni gati se edhe pulat do t’ua sekuestrojmë!
Kush prek votën e 25 Prillit ka sulmuar sovranitetin e popullit dhe të Republikës së Shqipërisë dhe do trajtohet si armik i Republikës dhe Kushtetutës!
Kush shet votën, shet nderin e familjes së tij dhe nuk e meriton të quhet njeri dhe kurrsesi shqiptar.
Përpara me qetësi e vendosmëri drejt qendrave të votimit, për Shqipërinë europiane, që ristarton fuqishëm më 25 Prill.
SHQIPËRIA DO TË JETË E SHQIPTARËVE PËRJETËSISHT!
Top Channel
