Lëkundje të forta tërmeti në Turqi, ja sa ishte magnituda 25/11 20:15
Gjermania sot theksoi se ka një “shans real” për të shpëtuar marrëveshjen bërthamore të Iranit pas raundit të fundit të bisedimeve në Vjenë midis Iranit dhe katër fuqive botërore ende palë në marrëveshjen e vitit 2015.
Duke folur në një konferencë shtypi në Berlin, Christofer Burger, zëvendëszëdhënësi i Ministrisë së Jashtme, vlerësoi qëndrimin “konstruktiv” në takimin midis zyrtarëve të lartë të Iranit, Kinës, Rusisë, Gjermanisë, Francës dhe Mbretërisë së Bashkuar.
“Mund të them se nga këndvështrimi ynë, të gjithë delegacionet po sillen në mënyrë konstruktive. Nga këndvështrimi ynë, ekziston një shans real për të ruajtur JCPOA-në dhe për të arritur një kthim të SHBA-së në marrëveshje”, tha Burger, duke iu referuar emrit zyrtar të marrëveshjes, Planit të Përbashkët të Përgjithshëm të Veprimit.
Ai shtoi se është e rëndësishme për të gjitha palët të tregojnë “gatishmëri për kompromis” mes përpjekjeve të intensifikuara diplomatike për ta kthyer SHBA-në në marrëveshjen historike dhe për të hequr sanksionet e epokës së Trump-it mbi Iranin. Burger po ashtu bëri të qartë që të gjitha palët përballen me “punë të vështirë” për të shpëtuar marrëveshjen bërthamore. Vendet do të vazhdojnë të diskutojnë mënyrat për të ringjallur marrëveshjen, të cilën ish-presidenti i SHBA-së Donald Trump e braktisi në mënyrë të njëanshme në maj të vitit 2018.
Një delegacion amerikan po ashtu ishte në kryeqytetin austriak të martën në një përpjekje për të ruajtur marrëveshjen, por ekipi i kryesuar nga i dërguari special Robert Malley nuk mori pjesë në takimin me fuqitë e tjera botërore, pasi Irani refuzon të negociojë drejtpërdrejt me SHBA-në derisa të hiqen sanksionet e ashtuquajtura “presion maksimal”./AA
Top Channel
