“Na duhen masa”, Finlanda kërkon ndihmën e BE-së për ndaljen e fluksit të emigrantëve nga Rusia 19/04 14:05
Komisionerja e BE për Punët e Brendshme, Ylva Johansson, e shoqëruar nga Ministri Grek i Migracionit Notis Mitarakis, ndërsa kanë parë nga helikopteri kampin e ri të refugjatëve në ishullin e Hios, më pas kanë shkuar në Lesvos dhe Samos, për të vlerësuar përparimin e bërë nga autoritetet greke në ndërtimin me nje fond prej 276 milion € nga BE, të mjediseve të reja, të përhershme që do të strehojnë emigrantët.
Por pas takimit me zyrtarë lokalë në ishullin Samos ajo ka degjuar edhe kritikat e vendasve si dhe te refugjateve. ‘Ne e dimë se çfarë do të nënshkruash. Dhe duhet të kesh vërtet turp për veten tënde që vjen këtu dhe bën atë që po bën këtu në ishullin tonë. Ky është vendi ynë, jo i juaji, dhe ju duhet të keni shumë turp për atë që po bëni’- u shprehën banorët vendas të Samos.
‘Shumë mirë që erdhe këtu të flasësh me mua në mënyrë që edhe unë të kem mundësinë të shpjegoj. Duhet të ketë disa gabime. Ne, natyrisht, nuk kemi asnjë propozim per të ndryshuar ishullin tuaj’-tha Komisionerja Ylva Johansson.
Sipas ministrit grek po punohet që të rikthehet në kushte normale jeta e banorëve të ishujve të Egjeut dhe kjo gjendje është pasojë e mungesës së politikave migratore nga ana e BE në 6 vitet e fundit.
‘Unë e kuptoj që ka ende çështje në pritje për t’u diskutuar në lidhje me paktin e ri mbi Emigracionin dhe Azilin, por mendoj se duhet t’u sqarojmë njerëzve vendas se vështirësitë që kemi hasur në vitet e fundit nuk janë për shkak të paktit, por për shkak të mungesës së tij’- tha ministri grek i emigracionit, Notis Mitarakis.
Në Samo, Lesbos dhe Chios banorët kanë protestuar duke kërkuar të ndalojë ndërtimi i qendrave të reja të pritjes së emigrantëve. Komisionerja europiane është shprehur se më kryesorja në këtë periudhë është ndalimi i fluksit të emigrantëve të paligjshëm nga brigjet turke dhe ky është edhe qëllimi kryesor i vizitës në Turqi te presidentit të Këshillit European Charles Mishel dhe të presidentes së KE, Ursula von der Leyen.
Top Channel
