Theu rregullat e karantinës, gjobitet me 1 milionë lekë pronari i lokalit në Divjakë
07/03/2021 09:53
Fiks Fare/ Varrezat e Durrësit “Tokë e xanun”! Vazhdon zënia e vendeve bosh, një i vdekur me 3-4 varre
16/04 20:49
Pronari i një lokali në Divjakë është gjobitur me 1 milionë lekë nga policia, pasi kishte shkelur masat për parandalimin e përhapjes së COVID.
Policia njofton se është vendosur masa administrative 1.000.000 lekë për pronarin e lokalit, shtetasin D. S., i cili nuk ka respektuar orarin e përcaktuar për ushtrimin e aktivitetit
Njoftimi i policisë/ Divjakë
Vijon puna për monitorimin e zbatimit të masave kufizuese për parandalimin e përhapjes së COVID-19.
Shërbimet e Komisariatit të Policisë Divjakë, në vijim të kontrolleve të ushtruara në subjekte të ndryshme, me qëllim monitorimin e zbatimit të masave për parandalimin e përhapjes së COVID-19, në Divjakë kanë konstatuar një lokal që qëndronte i hapur në kundërshtim me Aktin Normativ, duke mos respektuar orarin e përcaktuar për ushtrimin e aktivitetit.
Nga shërbimet e Policisë, në bazë të Aktit Normativ Nr. 3 datë 15.03.2020, është vendosur masa administrative 1.000.000 lekë për pronarin e lokalit, shtetasin D. S.
Drejtoria Vendore e Policisë Fier apelon për të gjithë administratorët e lokaleve dhe qytetarët që të respektojnë me korrektësi masat anticovid, për të bërë të mundur shkëputjen e zinxhirit të infektimit nga virusi, dhe fton qytetarët që të denoncojnë në 112 e Komisariatin Dixhital, cilindo pronar lokali apo qytetar që nuk i respekton këto masa kufizuese, duke u kthyer në burim rreziku për shëndetin e qytetarëve.
Top Channel
