Menaxheri i futbollit, 4 vite hetim dyshohej për pastrim parash, por prokuroria nuk faktoi dyshimet

Ky është Ilir Halili që sipas të dhënave të antiterrorit dispononte informacione të pakonfirmuara se i riu ishte mbështetës i ISIS e për këtë arsye transfertat bankare të viteve 2012 – 2016 u panë të dyshimta nga drejtoria e përgjithshme e parandalimit të pastrimit të parave.

Sipas burimeve zyrtare pranë prokurorisë së Tiranës hetimi u urdhërua pas një transfertë prej 10 mijë dollarë që po i depozitoheshin nga Arabia Saudite me dërgues Vukra Savor.

Transaksionet e mëvonshme nën vëzhgimin e autoriteteve radhisin shtete të ndryshme me dërgues Samer Sobhi Alhou, Hyland Khalem, Khalid Alabad. Interpoli dhe agjensitë e tjera i kthejnë përgjigje prokurorisë duke saktësuar se të 30 dërgesat me dollarë janë nga sportistë, trajnerë apo persona të lidhur me sportin.

Antiterrori ka kqyrur faqen e facebook ku dhe ka konstatuar fotografi të këtij shtetasi me lojtarët kryesore të futbollit në vend.

Në përfundim të hetimeve dhe vëzhgimeve prokuroria së bashku me antiterrorin vendosen t’i pushojnë hetimet për mungesë provash dhe faktesh pasi të gjithë personat e kontrolluar nuk rezultojnë me precedentë kriminalë.

Sidoqoftë prokurori i çështjes thekson se i kërkoi informacion Federatës së futbollit nëse shtetasi Halili dhe Indrit Caca janë të regjistruar apo jo si menaxherë futbolli si dhe Interpol  në Jordani por asnjëri prej tyre nuk është përgjigjur ende.

Top Channel