Protestë me zinxhirë për pronën/ Lezhë, ngujohet para bashkisë me dokumentet në dorë

03/03/2021 15:40

“Duan të më marrin pronën”. Me këtë pretendim Huanito Martinaj nga Balldreni ka dalë për të protestuar para bashkisë së Lezhës i lidhur me zinxhir, me një pankartë në duar dhe me të gjitha dokumentat e pronës.

Martinaj tregon se ka të gjithë dokumentacionin e nevojshëm por sipas ti institucionet heshtin.

Protesta e tij zgjati rreth 30 minuta pasi ndërhyri policia dhe e shoqëroi për në ambjentet e komisariatit të policisë Lezhë.

Unë kam dy tre vite që trokas në dyert e Lezhës. Ka 300 vite familja ime që jeton në kodër të Balldrënit, por cubat e Lezhës vetë e kanë dhënë vendimin e prishjes së ndërtimit, vetë nuk e zbatojnë. Dua që bashkia të kapë këta hajdutë pronash. Në shtëpinë time, që ndodhet po te prona ime, ata kanë ndërtuar themelet e tyre. Unë nuk po të kërkoj më shumë, dua të rri një orë, dua që të prenoncohet kryetari i bashkisë, dua njoftimin e IKMT-së që i ka nxjerrë këto vendime. Shesin pronat  e mia, blejnë makina të shtrenjta cubat e Balldrënit. Dua të kapen dhe t’i kërkohen llogari, jo t’i lirojë prokuroria”, tha Martianj.

Top Channel