Meta dekreton ligjin “Kryqin e Kuq Shqiptar”: Përshtatja e ndryshimeve për ta sjellë në standardet e kohës
26/02/2021 15:23
3 makina dhe 12 targa të vjedhura, arrestohet 22-vjeçari në Dibër, do t’ua jepte grupeve kriminale 25/04 11:40
Presidenti i Republikës, Ilir Meta, ka dekretuar me shpallje ligjin “Për disa ndryshime në ligjin nr. 7864, datë 29.9.1994 “Për Kryqin e Kuq Shqiptar”.
“Qëllimi i këtij ligji është kryerja e disa ndryshimeve në ligjin “Për Kryqin e Kuq Shqiptar” dhe përshtatja e nevojshme e disa ndryshimeve, për ta sjellë atë në standardet e kohës, duke pasqyruar dhe realitetin e shoqatës në vend, bazuar në parimet themelore të organizatës se Kryqit të Kuq Shqiptar.
Tashmë ligji për Kryqin e Kuq Shqiptar, ka të reflektuar edhe faktin se, KKSH, është pjesë përbërëse e Lëvizjes Ndërkombëtare të Kryqit të Kuq dhe Gjysmëhënës së Kuqe, pjesë të së cilës janë dhe 192 shoqatat e Kryqit të Kuq, Gjysmëhënës së Kuqe dhe Kristalit të kuq, si dhe 7 Parimet Themelore ku mbështet veprimtarinë e saj kjo Lëvizje: Humanizmi, Pavarësia, Paanësia, Neutraliteti, Vullnetarizmi, Uniteti dhe Universaliteti, të miratuara në Konferencën Ndërkombëtare të Kryqit te Kuq në vitin 1986 në Gjenevë”, thuhet në njoftimin e Presidentit.
Top Channel
