Rregullat e reja të ndalimqarkullimit pas orës 20:00 kanë hyrë në fuqi që prej ditës së djeshme.
Këto masa të reja shtrënguese u morën për shkak të shifrave të larta me infektime të reja dhe duket se qytetarët po e zbatojnë.
Në pamjet që kanë mbërritur nga Berati, vihet re që është vendosur postbllok në të gjitha rrugët e qytetit dhe nuk ka lëvizje të mjeteve apo personave.
Gjatë 24 orëve të fundit janë shënuar 1059 raste të reja me koronavirus në vendin tonë, nga të cilat 52 rezultuan nga Berati. Ndërkohë, aktualisht janë 1011 raste aktive me Covid-19 në qarkun e Beratit.
Top Channel
