Francë, shkon në afro 3.3 milionë numri i rasteve me COVID-19
06/02/2021 10:51
Tronditëse në Itali, kryebashkiaku vihet nën hetim për dhunë ndaj gruas së tij 21/12 15:27
Gjatë 24 orëve të fundit në Francë janë regjistruar 22.139 raste të reja me koronavirus.
Në një deklaratë nga Instituti i Shëndetit Publik thuhet se me 22.139 rastet e reja, numri i përgjithshëm i rasteve në vend ka arritur në 3.296.747. Në spitale kanë humbur jetën 296 persona ndërsa në 3 ditët e fundit 358 persona në shtëpitë e kujdesit për të moshuarit, duke e rritur numrin e viktimave nga COVID-19 në 78.603.
Në spitale vazhdojnë trajtimin 27.614 persona, prej të cilëve 3.245 në kujdes intensiv. Ndërkaq, me 1.574 të shëruar, numri i përgjithshëm i të shëruarve ka arritur në 231.549.
Sipas të dhënave nga Ministria e Shëndetësisë, që nga 27 dhjetori 2020 numri i personave që kanë marrë vaksinën kundër COVID-19 ka arritur në 1.772.602 ndërsa 189.524 persona kanë marrë dozën e dytë të vaksinës.
Top Channel
