“Dhuna nuk ka vend në demokraci”/ Nga Macron te kryeministri i Spanjës, liderët botërorë lënë pas mosmarrëveshjet dhe reagojnë për sulmin ndaj Trump 26/04 12:10
Kur policia arrestoi Michel Fourniret, ata nuk mund të imagjinonin tmerret që do të zbulonin, të kryera nga pedofili përdhunues-vrasës-serial ‘Ogre i Ardeneve’.
Pas publikimit të krimeve, një nga vajzat e tij tragjikisht vrau vetem kur mësoi për aktet barbare të kryera nga i ati.
I biri i Fourniret e bashkepunëtores së tij Monique Olivier, është bashkuar me familjet e viktimave për të denoncuar një serial që bazohet në krimet e tyre.
Selim Fourniret, fëmija i vetëm i çiftit, tha për rrjetin francez TF1, se me serialin e ri prodhuesit “do të fitojnë shumë para mbi trupat e fëmijëve të vdekur të çiftit vrasës e perdhunues”.
Krimet e tmerrshme të Fourniret e Olivier janë një nga çështjet më të rënda të personave të zhdukur në Evropë.
Edhe kur ishte shtatzënë me beben e Fourniret, Monique Olivier, bashkëpunëtorja besnike e killerit pedofil nuk ndaloi zakonin e saj por joshi per te, 20-vjeçaren Fabienne Leroy në një supermarket duke e marrë në makinë teksa pretendonte se nuk ndjehej mirë dhe kërkonte ta drejtonte në klinikën më të afërt.
Por të dy ata e çuan vazjën në një pyll, ku e lidhën, e përdhunuan dhe e vranë duke e qëlluar me plumb në kokë.
Ndërsa 21 vjeçarja Jeanne-Marie Desramault, u njoh me çiftin vrasës në një tren në 1989, teksa udhëtonte për të shkuar në një manastir. Fourniret thoshte më vonë e ajo i dukej si një vizion i Virgjëreshës Mari.
Desramault u ftua në shtëpinë e tyre për të mbajtur beben, por kur Fourniret e pyeti nëse ishte e virgjër dhe ajo tha jo dhe vrasësi u tërbua nga inati.
Çifti e mbytën atë dhe e varrosën në tokën pranë kështjellës së tyre Château du Sautou.
Disa vite më vonë të varrosur pranë Desramault policia ka gjetur dhe trupin e 12-vjeçares Elisabeth Brichet.
Fourniret e Olivier morën peng Brichet teksa ajo kthehej në shtëpi, pranë kufirit të Belgjikës me Francen.
Pasi e kishin mbytur me qese plastike, Fourniret e kishte mbajtur në frigorifer, e me pas e varrosi në tokën pranë shtëpisë.
Monique Olivier (majtas) dhe Michel Fourniret
Një vit më vonë dyshja rrëmbyen, përdhunuan e vranë 13-vjeçaren Natacha Danais që ishte vrasja e fundit e kryer së bashku.
Në vitin 2000, Fourniret përdhunoi e vrau 18-vjeçaren Céline Saison dhe një vit më vonë 13-vjeçaren Mananya Thumpong.
Terrori i Fourniret përfundoi në 2003 kur metoda e tyre makabre e rrëmbimit dhe vrasjeve nuk funksionoi më.
Ai kishte joshur një vajzë 13-vjeçare belge në furgonin e tij, të cilën e sulmoi seksualisht dhe e kërcënoi ta vriste.
Por kur makina ndaloi vajza arriti të shpëtonte nga litarët dhe doli jashtë. Një shofer e ndihmoi atë dhe mori numrin e targës së përbindëshit Fourniret.
Shpejt vrasësi u arrestua pasi një fije floku i viktimës së fundit u gjet në furgonin e tij.
Ndërkohë Monique Olivier kërkoi ndihmë nga ish bashkeshorti i saj, duke pretenduar se ishte manipuluar nga një “psikopat kontrollues”.
Duke parë se nuk kishte shpëtim, Fourniret bashkëpunoi me policinë dhe pranoi shumicën e krimeve, si dhe tregoi disa nga vendet ku kishte varrosur viktimat e tij.
Në 2006, një nga vajzat e vrasësit nga një martesë e mëparshme, vrau vetem pas daljes në dritë të akteve të tmerrshme.
Në 2008 Fourniret u dënua me burgim të përjetshëm ndërsa Olivier u dënua me një minimum prej 28 vjet burg për pjesën e saj në sulmet e vrasjet.
Por sa më sipër nuk ishin gjithçka. Fourniret ka vijuar me rrëfimet e tij deri në vitet e fundit.
Në 2018, ai ka pranuar vrasjen e vitit 1990 të studentes britanike Joanna Parrish që u përdhunua e u vra teksa punonte në një shkollë në rajonin e Burgundy, si pjesë e studimeve për frëngjisht në Universitetin e Leeds.
Ai ka pranuar gjithashtu vrasjen e Marie-Angèle Domèce, një 18-vjecare me paaftësi.
Ndërsa në 2020, Ogre i Ardenne-ve mori përgjegjësinë dhe për zhdukjen e nëntë vjeçares Estelle Mouzin në 2003.
Fourniret ishte arrestuar asokohe në Belgjikë për ngjarjen por ishte liruar për mungesë provash.
Edhe babai i nëntë-vjeçares tragjike Mouzin, Eric, dënon dokumentarin për vrasësit e bijës së tij. “Këta kriminelë monstruozë do të kthehen në personazhe filmike, ndërsa unë ndjej vetëm terrorin e Estelle kur e gjeti veten në furgonin e Fourniret”, tha ai.
Top Channel
