Rama për ‘La Repubblica’: Engjëll Agaçi po baltoset si të ishte kriminel! Përgjigjet e tij nuk u përdorën nga gazetari
24/04 21:57
Drejtuesi politik i PS-së për qarkun e Shkodrës është i bindur për një fitore të sigurt të së majtës në zgjedhjet parlamentare të 25 prillit.
Deputeti i Partisë Socialiste tregon arsyet se përse sipas tij, e majta do të ruajë rezultatet e zgjedhjeve të kaluara në veriun e Shqipërisë.
“Është vlerësim bazuar në rezultatin e 2017-ës, në ecurinë katër vjeçare, në mënyrën si kemi reaguar ndaj 3-4 momenteve shumë të rëndësishme që ka kaluar qeveria.
Flas me shumë siguri për veriun, e njoh mirë për shkak se jam deputet i qarkut Dibër, kam vazhduar jetën politike në Kukës, kam qenë në qarkun e Kukësit në zgjedhjet vendore dhe jam që nga shtatori në Shkodër.
Në këto qarqe ne nuk krijojmë asnjë disavantazh krahasuar me zgjedhjet e 2017.
Në Kukës kemi qenë 8000 vota më tepër. Në Kukës, gjatë këtyre 4 viteve kemi bërë investime, aeroporti është projekt konkret. Valbona është një potencial shumë më i madh politik. Me rritjet e bletarisë, gështenjave, të imtave ekonomia është më mirë në Valbonë. Në Kukës ka më shumë të ardhura nga nxjerrja e më shumë mineraleve.
Vermoshi, Lëpusha, Tamara, Shiroka, kanë marrë shumë zhvillim. Kemi rrugën e re nga Shkodra, rruga e re që fillon nga Lezha”.
Kryeqyteti është pikë e nxehtë për partitë në çdo zgjedhje. Por, Beqaj është i bindur kur thotë se 18 mandatet e marra në zgjedhjet e kaluara janë mandate të sigurta edhe për katër vjeçarin e ardhshëm.
“Tirana i ka të çimentuara 18 mandate, sepse me aq punë sa ç’është bërë në Tiranë, me aq sa kemi reaguar edhe prej tërmetit, rezultati është i sigurt. Reagimi i qeverisë sonë ka qenë ndër më të rrallat në Europë“.
Durrësin dhe Fierin, Beqaj i sheh si dy qarqet më të vështira për të fituar aq mandate sa në zgjedhjet e kaluara.
“Besoj se në dy qarqet ku ne kemi pasur pak rezervë për të marrë mandatin, Durrësi dhe Fieri, duhet shumë më tepër punë”.
Synimin për 72 mandatet, deputeti i arsyeton si rezultat i të ardhurave në rritje për qytetarët.
“Paketa e buxheteve familjare matet çdo vit nga INSTAT. Konsumi mesatar i familjeve shqiptare është rritur vit pas viti. Është rritur më shumë se inflacioni. Hendeku midis familjeve që shpenzojnë më pak dhe atyre që shpenzojnë më shumë, pra midis të pasurve dhe të varfërve është ulur.
Nuk janë rritur shpenzimet për arsim nga xhepi i familjes, nuk janë rritur shpenzimet për shëndetësi, nuk janë rritur shpenzimet për ushqim”.
Sipas deputetit, duke vazhduar këtë analizë qark pas qarku, mund të bëhen 72 mandate. Beqaj thotë se rezultatet janë konkrete dhe për ta vërtetuar mund të pyesim banorët sa merrnin para 8 vitesh dhe sa marrin sot.
Top Channel
