Kërcënimet e Metës ndaj Dumanit, i ngarkuari me punë i SHBA në Tiranë: E ardhmja e vendit, jo te njerëzit e përfshirë në korrupsion 18/04 18:20
Mbi deklaratën e sotme të përfaqësueses së PD-së, Ina Zhupa, sipas të cilës shtetasi Lulzim Ali Aga nga Vishnja e Vaqarrit, ka përfituar nga programi i rindërtimit, ndërkohë që zotëron 4 prona të tjera ka reaguar kryetari i Bashkisë së Tiranës, Erion Veliaj.
“Situata me tërmetin serioze, por aspak dramatike. Situata me PD është dramatike, por aspak serioze. Tjetër Lul Ali Aga, tjetër Lul Shaban Aga, e tjetër Lul Gjum Aga,” shkruan kryebashkiaku në Twitter.
Situata me termetin serioze, por aspak dramatike.
Situata me PD eshte dramatike, por aspak serioze.
Tjeter Lul Ali Aga, tjeter Lul Shaban Aga, e tjeter Lul Gjum Aga
Bashkia TR i përgjigjet PD: Ngatërroi Lulin e tërmetit me Lulin e 4 vilave pas tërmetit https://t.co/h5cArv16tW
— Erion Veliaj 🚴♂️🌳⚽️🇦🇱 (@erionveliaj) January 5, 2021
Më herët, përmes një reagimi zyrtar, Bashkia e Tiranës publikoi disa dokumente ku rezultonte se PD-ja kishte ngatërruar person dhe se shtëpia në të vërtetë i është ndërtuar Luli Shaban Agës.
“Është fakt i njohur botërisht se Lulzim Basha e ka shndërruar Partinë Demokratike në prodhuese dhe shpërndarëse qesharake ‘fake news’-esh. I mbytur nga dëshpërimi se po përgatitet të humbë sërish zgjedhjet në Tiranë dhe kudo në Shqipëri, Lulzim Basha e ka humbur toruan dhe çdo ditë fabrikon mashtrime të ulëta për procesin e rindërtimit, duke guxuar të tallet me të gjitha familjet që u prekën nga fatkeqësia e tërmetit të 26 nëntorit. Lulzim Basha, njeriu që ka hyrë në histori me nofkën kryebashkiaku i gjumit, i ka mashtruar shtatë herë qytetarët e Tiranës dhe rasti i sotëm është mashtrimi i tetë. Në një deklaratë qesharake të publikuar sot, një spikere e PD-së pretendoi se shtetasi Lulzim Ali Aga nga Vishnja e Vaqarrit, ka përfituar nga programi i rindërtimit dhe po i rindërtohet shtëpia, ndërkohë që sipas saj, ai zotëron 4 prona të tjera”, shkruhej në deklaratë.
Më tej vijonte:
“Lulzim Ali Aga mund t’i zotërojë pronat që pretendon PD-ja, por ky shtetas nuk ka aplikuar asnjëherë për të përfituar nga programi i rindërtimit dhe për pasojë, Bashkia e Tiranës nuk po i ndërton atij shtëpinë. Në Njësinë Administrative Vaqarr në datën 21 shkurt 2020 ka aplikuar shtetasi Luli Shaban Aga, shtëpia e të cilit është klasifikuar e kategorisë DS5, për rindërtim. Njësoj si në rastin e Tatjanës nga Njësia 4, të cilës Lulzim Basha dhe Partia Demokratike i ndryshuan identitetin dhe e bënë Fatime, për të mashtruar qytetarët e Tiranës, edhe sot Luli Shaban Agës i ndërruan identitetin dhe e kthyen në Lulzim Ali Aga për të fabrikuar gënjeshtrën e radhës”.
Për ta përmbyllur me:
“Por, me sa duket, PD-ja ka ngatërruar Lulin hallexhi të tërmetit me Lulin e 4 vilave pas tërmetit. Qeveria dhe Bashkia e Tiranës nuk kanë lënë pa ndihmuar as edhe një familje që është prekur nga tërmeti i nëntorit, por vijon punën për strehimin e tyre në banesa të reja, të rindërtuara, më të mira e më të sigurta”.
Top Channel
