Mes shtrëngimit ekonomik, grekët mbledhin ullinjtë e pemëve të rrugës për t’i kthyer në vaj për të varfrit (fotot) 29/11 18:40
Një grua e re është detyruar të gjymtojë dy këmbët e saj prej një infeksioni të rëndë që mori pas një ndërhyrjeje të dështuar estetike në hundë.
31 vjecarja Sevinc Ceklik, ishte 25-vjeçe kur vendosi të bëjë operacionin për reduktimin e hundës në një spital privat në Stamboll.
Ajo kreu operacionin dy-orësh në maj 2014 dhe pas ndërhyrjes në dukje të suksesshme u dërgua në shtëpi nga doktorët.
Por pas kthimit në shtëpi Ceklik u bë me ethe, për të cilat spitali tha se ishin simptoma “normale” pas procedurës, shkruajnë mediat lokale.
Mjekët e spitalit vazhdonin të insistonin se vajza ishte mirë, edhe kur ajo erdhi të hiqte mbulesat e hundës një javë më vonë.
Por në fakt gjendja e Ceklik vazhdoi të përkeqësohej, aq sa nuk ishte në gjendje të ushqehej, komenton vëllai i saj, i cili nuk është emëruar nga mediat.
Më pas këmbët e saj nisën të nxiheshin dhe vajza u shtrua në spital në gjendje të rëndë pas diagnostikimit me helmim në gjak.
Më 9 qershor 2014 familjes së saj iu tha se nuk kishin zgjedhje tjetër por të gjymtonin këmbët e saj të poshtme për t’i shpëtuar jetën.
Ceklik ka depozituar tashmë një ankesë dëmshpërblimi prej 100 000 euro.
Spitali refuzon përgjegjësinë duke pretenduar se helmimi i gjakut ka ardhur prej një pule që ajo kishte ngrënë dy javë më parë.
Gjykata ka kërkuar raportimet e ekspertëve për vendimin e pritur vitin që vjen.
Helmimi i gjakut është një fenomen i raportuar disa herë në pacientët që kanë kryer kirurgji madhore.
Simptomat e tij përfshijnë ethe, të ftohtë, të vjella dhe dhimbje të forta trupi.
Top Channel
