“Në muajin mars ne u konsultuam me qeverinë dhe për Pashkë ishim të përgatitur, ndërsa tani njoftimi erdhi papritur”- deklaron Don Shtjefëni në një lidhje direkte nga Vau i Dejës për “Shqipëria live”.
Sipas tij njoftimi ishte i nxituar. Kisha Katolike kishte organizuar meshën në orën 20:00 duke respektuar kufizimin e orës 22:00.
Don Shtjefëni thekson rëndësinë e meshës për Krishtlindje, një nga festat më të rëndësishme të besimtarëve të krishterë dhe mungesën e një takimi e konsideron diskriminim nga qeveria,-“ Ne donim një konsultim që më pas të bënim përgatitje dhe të njoftonim besimtarët.”
Orari i ri i meshës është në 19:00, ndërkohë që në mesnatë kisha do të jetë e mbyllur. Kujtojmë se edhe për Pashkë besimtarët u detyruan ta ndiqnin meshën online.
Top Channel
