Tirana mbetet në dorë të Refik Halilit, Gjykata pezullon ankandin deri në shqyrtimin e çështjes në themel 24/04 12:50
Barcelona më në fund thyen tabunë në transfertë (4 ndeshje pa fitore), fiton 0-3 në fushën e Valladolidit dhe rikthen distancën prej tetë pikësh me Atleticon kryesuese.
Ndeshje historike kjo për Lionel Messin, protagonist absolut me një gol dhe një asist. Pikërisht me finalizimin e fundit të tij, la pas legjenden Pele, si golashënuesi më i mirë në historinë e futbollit në një klub të vetëm.
643 gola ka shënuar me Santosin O’Rey, 644 finalizime mbajnë firmën e “yllit” argjentinas me Barcelonën, shifwr e destinuar pwr t’u rritur.
Sa i përket takimit të zhvilluar në “Estadio José Zorrilla”, “blaugranat” i dhanë drejtimin e duhur sfidës brenda 35 minutave të para me golin e Lenglet, pas krosimit të Messit, dhe finalizimin e Braithwaite, që u shërbye nga Dest. Golin e tretë Barcelona e shënoi me një aksion për manual, me Pedrin që me një pasim me takë nxori Messin përballë portierit Masip, i cili nuk mund të bënte asgjë për të ndalur “Pleshtin”.
Në minutat e fundit Coutinho e Messin goditën shtyllën, ndërsa Masip reagoi ndaj një tjetër tentative të 6 herë fituesit të Topit të Artë, duke shmangur një humbje më të thellë.
Top Channel
Top News/ Akuzat e RAI e interpelanca e Bardhit, Rama: S’ka urgjencë, të sqarohemi një herë italisht
Top News/ Bjellorusia çon trupat në kufi me Poloninë / Kërcënon Lukashenko:Kemi armë bërthamore ruse
