Vrasja e Anton Kelit në Rrëshen, ende asnjë gjurmë e autorëve! Detajet/ Viktima është ndjekur nga autorët
16/12/2020 10:25
Drejtonte automjetin në gjendje të dehur, arrestohet punonjësi i policisë në Durrës 19/04 21:27
Vrasja që ndodhi mbrëmë në Rrëshen nuk ka akoma një autor edhe pse policia ka shoqëruar dhe marrë në pyetje një numër mjaft të lartë të personave që mund të kishin dijeni mbi këtë vrasje.
Burime bëjnë me dije se autori apo autorët e kanë ruajtur shtetasin që mbeti viktimë Anton Kelin sapo ka zbritur nga automjeti ku e kanë qëlluar 6 herë me pistoletë. Tre nga plumbat i ka marrë në trup të cilët i shkaktuan edhe vdekjen.
Anton Keli i cili punonte si taksist, është nipi i Tonin Gjinit (ose Armando Gjini), këtij të fundit iu bë atentat në Tiranë një vit më parë, më 12 gusht dhe vlen të theksohet se dhe vrasja e tij është e të njëjtës natyrë si Gjini. Gjini, është i njohur për drejtësinë si pjesë e grupit të Met Kananit. Ai ishte arrestuar vitin e kaluar ( 12 maj 2018) si pjesë e grupit të baronit të drogës dhe u mbajt pak kohë në paraburgim.
Top Channel
