Opozitari i majtë Orsi fiton presidencën në Uruguai (fotot)
25/11 18:33
Oligarku rus në qendër të betejës më të madhe të divorcit që ka parë ndonjëherë Britania, ishte lidhur prej kohësh me një mbretëreshë bukurie që ka pothuajse gjysmën e moshës së tij, me të cilën tani ka lidhur kurorë e ka dhe tre fëmijë.
Detajet e lidhjes së pretenduar të dashurisë mes Farkhad Akhmedov, 64 vjeç dhe bjondes mahnitëse, Anna Adamova, 37, u zbuluan nga djali i tij Temur Akhmedov në një deklaratë të paraqitur në Gjykatën e Lartë të Londrës. Temur po lufton në gjyq në krah të të ëmës, 48 vjecares Tatiana Akhmedova, e cila pretendon se lidhja e të shoqit me Missin ka nisur që gjatë kohës kur ata ishin të martuar, ndërsa thotë gjithashtu se ai e fshehu të vërtetën e pasurisë së vet gjigante, në mënyrë që bashkëshortja të mos merrte 453 milionë paundët që pretendonte.
Akhmedova siguroi marrëveshjen më të madhe në Angli në 2016-tën kur përfundoi martesa 27 vjecare me miliarderin. Temur pretendon se e ëma u tërbua kur mësoi jo vetëm për lidhjen e tij afatgjatë me Missin, por edhe për faktin që prej disa muajsh kishte ardhur në jetë fëmija I tyre I parë. Oligarku e ka sfiduar në gjyq të shoqen për gati gjysmën e pasurisë që ajo ka marrë prej tij, ndërsa saga e procesit të tyre gjyqësor, vazhdon.
Top Channel
