Protestë në Elbasan, kryetari i Bashkisë del në rrugë dhe flet me protestuesit: Mos i shkatërroni koshat e mbeturinave dhe sinjalistikën rrugore
12/12/2020 19:25
Protestat për vrasjen e 25-vjeçarit Klodian Rasha nga një efektiv i “Shqiponjave” ka përfshirë krahas Tiranës edhe qytetin e Elbasanit.
Teksa një grup adoleshentësh dhe fëmijësh janë mbledhur në qendër me thirrjet “Rama ik”, duke hedhur kapsolla dhe duke shkatërruar sinjalistikën rrugore e koshat e mbeturinave, kryetari i Bashkisë së Elbasanit ka dalë në shesh për të folur me protestuesit, me qëllim qetësimin e situatës.
Ai ka kërkuar të mos preken koshat e mbeturinave dhe sinjalistika rrugore, ndërkohë që ka biseduar disa minuta me të rinjtë.
Top Channel