Çfarë po ndodh me Andrew Tate dhe të vëllanë, pritet gjykimi në Rumani për trafikim 27/04 00:02
Politikanët e Zelandës së Re u rreshtuan sot për të përqafuar të emocionuar Ibrahim Omer, pas fjalimit të tij të parë në parlamentin e Zelandës së Re, ku tregoi mes të tjerash për udhëtimit e rrezikshëm për një jetë më të mirë.
Deputeti i parë afrikan i vendit përloti politikanët duke treguar për “rrugëtimin e tij të shpresës” nga Eritrea e shkatërruar prej luftës, drejt një kampi refugjatësh në Sudan, teksa sot prezantohej si deputeti i pare me origjine afrikane, laburist i Zelandës së Re.
“Unë jam nga Eritrea. Jam ish-refugjat, jam musliman. Jam një sindikalist dhe një mbrojtës i minimumit të jetesës, por më e rëndësishmja është se vij këtu sot i mbushur me krenari,” tha Ibrahim Omer në fjalimin e tij të parë pas fitores së zgjedhjeve në tetor.
Ai është në fakt ish-refugjati i dytë që bëhet deputet në Zelandën e re, pas deputetit të Partisë s Gjelbër, Golriz Gharaman, i larguar që fëmijë nga Irani.
Fjalimi i Omer erdhi pas atij të hapjes nga kryeministrja Jacinda Ardern ku konfirmoi zotimet elektorale për përkushtimin ndaj klimës, krizës së strehimit në vend, menaxhimit të Covid-19, dhe varfërisë së të miturve.
Ndërsa Omer kujtonte femijërinë e tij fillimisht të lumtur, teksa më pas diktatura vrau ëndërrat atij dhe të bashkëkombasve. “Kam parë sesi politika ka shkatërruar jetë. Thuajse e gjithë jeta ime në Eritrea ishte luftë”, tha mes të tjerash Omer.
Ai kujtonte sesi kur erdhi fillimisht në Zelandën e Re punonte si vjelës frutash, roje sigurie apo pastrues, duke kursyer ato që mund të fitonte me rrogën minimale, për të dërguar te familja e tij në Eritrea.
Jeta e Omer ndryshoi kur një sindikalist i kërkoi të jepte një fjalim për rrogën minimale në Uelington, nga ku nisi karriera e tij publike.
Top Channel
