Wall Street Journal: Kim Jong Un po zgjeron kapacitetet bërthamore të Koresë së Veriut, çfarë zbuluan imazhet satelitore
Gjatë 24 orëve të fundit në Francë janë regjistruar 22.882 raste të reja të koronavirusit të ri (COVID-19).
Në një deklaratë nga Institucioni i Shëndetit Publik thuhet se me 22.882 raste të shënuara në 24 orët e fundit numri i rasteve ka arritur në 2.109.170.
Bëhet e ditur se në 24 orët e fundit për shkak të COVID-19 në vend kanë humbur jetën në spitale 386 persona dhe 757 persona në shtëpitë e kujdesit gjatë 3 ditëve të fundit duke e rritur numrin e viktimave në 48.265.
Në spitale vazhdojnë trajtimin 31.906 persona prej të cilëve 4.582 në kujdesin intensiv ndërkohë që me 1.952 të shëruar numri i të shëruarve ka arritur në 149.521. Norma e rezultateve pozitive të testeve për COVID-19 në vend është njoftuar të jetë 15 për qind.
Zëvendëskryetarja e Bashkisë së Parisit, Anne Souyris në një deklaratë njoftoi se që nga janari 2021 kanë planifikuar të vaksinojnë 30-40 për qind të qytetarëve të Parisit me vaksinën kundër COVID-19.
“Fillimisht do të vaksinohen personat mbi 65 vjeç dhe ato që janë në grupin e rrezikut”, tha Souyris e cila shtoi se qytetarët e Parisit do të vaksinohen në rast se vaksina do të jetë gati muajin e ardhshëm.
Top Channel