“Duam garantimin e jetës së palestinezëve”, Hamasi i vendos Izraelit kushtin për arritjen e armëpushimit 30/04 22:17
Protesta në Berlin
Mijëra qytetarë janë mbledhur ditën e sotme në Berlin për të protestuar kundër planeve të masave anti-covid të kancelares, Angela Merkel.
Parlamenti i Gjermanisë pritet të miratojnë ligje për të vendosur kufizime siç është distanca fizike; mbajtja e maskave; konsumimi i alkoolit në publik, mbyllja e dyqaneve dhe ndalimin e ngjarjeve sportive.
Megjithëse shumica e gjermanëve pranojnë “masat e fundit të izolimit” për të trajtuar një valë të dytë të koronavirusit, kritikët thonë se ligji i jep qeverisë shumë fuqi dhe rrezikon të drejtat civile të qytetarëve pa miratimin e parlamentit.
Protestuesit nuk kishin veshur maska dhe as nuk mbanin distancën fizike, ndërsa oficerët e policisë ndaluan demonstruesit të afroheshin shumë pranë ndërtesës së parlamentit.
Gjermania, ekonomia më e madhe e Evropës, u vlerësua pozitivisht për mbajtjen e niveleve të infeksionit dhe vdekjeve, nën ato të shumë fqinjëve të saj në fazën e parë të krizës, por tani është në mes të një vale të dytë, si shumica e pjesës tjetër të Evropës.
Top Channel
