Çfarë po ndodh me Andrew Tate dhe të vëllanë, pritet gjykimi në Rumani për trafikim 27/04 00:02
Ndërsa humbja e Donald Trump në zgjedhjet presidenciale në SHBA duket se po bëhet gjithnjë e më e qartë, republikanët që dikur qëndronin krah për krah me njeriun që riformësoi partinë e tyre politike, po përpiqen të distancohen nga pretendimet e tij se zgjedhjet po vidhen.
“I egër, dhe një gabim i tmerrshëm”, tha guvernatori i Maryland, Larry Hogan, për akuzat e Trump; “Shumë shqetësuese”, sipas senatorit të Pensilvanisë Pat Toomey dhe “i pamatur” sipas e ish-kandidatit presidencial Mitt Romney.
Kjo thyerje nga numri në rritje i senatorëve, kongresmenëve, guvernatorëve dhe zyrtarëve të tjerë të zgjedhur, që vijnë vetëm pasi kauza e Trump u shfaq e humbur – paralajmëron një betejë të afërt për drejtimin e ardhshëm të partisë Republikane me figurën e saj të shkuar nga skena.
Ata që tani janë kritikë të hapur pas viteve të heshtjes duhet të peshojnë pasojat e të folurit ndërkohë që mbeten besnikë brenda partisë, të vendosur për të mbajtur flamurin e Trumpizmit në zgjedhjet e 2024 dhe më gjerë. Ky fraksion përfshin senatorë republikanë si Ted Cruz dhe Tom Cotton dhe guvernatorin e Floridës, Ron DeSantis, një aleat i vendosur i Trump i cili i ka kërkuar presidentit të “luftojë, të shterojë të gjitha opsionet” në përpjekjen e tij për të provuar mashtrim të gjerë zgjedhor.
“Trumpizmi do të mbetet sepse ai është një figurë kaq e popullarizuar mes bazës së tyre. Por, e dini, ka qenë gjithmonë pragmatike për shumë republikanë ”, tha Jason Stanley, profesor i filozofisë në Universitetin e Yale.
“Ka një pjesë të partisë Republikane që e mbështet atë kryesisht sepse ai është Trump, dhe pastaj një grup tjetër po e mbështet atë sepse ai po shtyn politikat më të djathta. Unë pres që partia Republikane do të ketë përparësi, me çfarëdo mekanizmi që u nevojitet për të mbizotëruar gjykatat, për të vazhduar shtypjen e votës, për t’u siguruar që ata mund, si një parti e pakicës, të qëndrojnë në kontroll të levave të qeverisë.”, shtoi ai.
Stanley vuri në dyshim kohën e atyre që duket se po shkëputen nga Trump duke folur tani.
“Partia Republikane e ka bërë këtë gjë anti-demokratike qysh para Trump,” tha ai.
“Ata kanë vepruar sikur demokratët nuk janë legjitimë dhe ata nuk kanë asnjë përgjegjësi për të bashkëqeverisur me demokratët dhe qëllimi i tyre i vetëm është që t’i nxjerrin demokratët dhe të qeverisin si një parti pakice”, shtoi ai.
Mbetet të shihet nëse republikanët e moshuar më të moderuar që kanë qenë kritikë ndaj Trump, të tilla si Mitt Romney, senator për Utah, do të ndikojnë kur partia komploton rrugën e saj për presidencën e Biden.
Romney lëshoi një deklaratë me fjalë të ashpra të Premten që thoshte se pohimet e Trumpit se zgjedhjet ishin të manipuluara, të korruptuara dhe të vjedhura ishin të gabuara. “Ai dëmton kauzën e lirisë këtu dhe në të gjithë botën, dobëson institucionet që qëndrojnë në themel të Republikës dhe ndez pa mend pasionet shkatërruese dhe të rrezikshme,” shkroi ai.
Të tjerë republikanë janë ende në bordin e ‘trenit’ Trump, edhe pse ai po del nga ‘binarët’, duke përfshirë DeSantis, Cruz, Cotton, senatorin e Karolinës së Jugut Lindsey Graham, Newt Gingrich, ish-kryetari i Dhomës dhe Rudy Giuliani ish-kryebashkiaku i Neë York-ut dhe avokati personal i Trump.
Top Channel
