Spanja do të luajë një takim miqësor me Holandën para dy përballjeve të vlefshme për Nations League kundër Zvicrës e Gjermanisë, ndërsa trajneri Luis Enrique ka publikuar sot edhe listën e futbollistëve që do të grumbullojë për këto ndeshje.

Kështu është kthyer në grumbullimin e “Furia Roja”-s edhe sulmuesi i Juventusit Alvaro Morata, i cili nuk ishte pjesë e skuadrës që nga nëntori i vitit të kaluar, kur edhe kishte shënuar gol në fitoren me goleadë 7-0 ndaj Maltës.

Në rikthimin e Moratës te Spanja ka ndikuar jo pak edhe momenti fantastik që sulmuesi po kalon te Juventusi, ku ka arritur të shënojë 6 gola mes kampionatit dhe Ligës së Kampionëve, duke u shndërruar në një lider të bardhezinjve.

“Kam vendosur të grumbulloj Moratën, sepse që kur është transferuar te Juventusi, është një lojtar tjetër, i përmirësuar në aspekte të ndryshme sulmuese e mbrojtëse. Është gjithmonë kënaqësi të bësh llogaritë me Alvaron në grup”, u shpreh Luis Enrique.

Lista e të grumbulluarve:
Portierë: De Gea, Kepa, Unai Simon

Mbrojtës: Sergio Ramos, Pau Torres, Gayá, Reguilon, Jesus Navas, Sergi Roberto, Eric Garcia, Iñigo Martínez.

Mesfushorë: Busquets, Rodri, Mikel Merino, Fabian Ruiz, Canales, Koke, Marcos Llorente.

Sulmues: Morata, Gerard Moreno, Oyarzabal, Ansu Fati, Ferran Torres, Dani Olmo, Adama Traoré.

Top Channel