Muslimanët francezë të revoltuar nga sulmet, dalin në mbrojtje të kishës lokale

Muslimani francez Elyazid Benferhat thotë se u tmerrua kur dëgjoi për sulmin ekstremist në kishën e Nice dhe prandaj vendosi të veprojë.

Benferhat, njeriu që e përshkruan veten si “i paqes dhe pragmatizmit” mblodhi një grup miqsh muslimanë të cilët vendosën të qëndrojnë jashtë katedrales për fundjavën e pushimit në Francë, në mënyrë simbolike për ta mbrojtur atë dhe për të treguar solidaritetin e tyre.

Besimtarët e rregullt të kishës së shekullit të 13-të në qytezën e Lodeve ishin prekur shumë nga gjesti. Prifti vendas tha se gjesti i tyre jepte shpresë në kohë trazirash.

Benferhat flet me një theks jugor francez dhe e identifikon veten si “më francez se gjithçka.” Nëna e tij ka lindur në Algjeri ndërsa ai ka lindur në Francë deh është rritur duke folur frëngjisht. “Unë jam musliman … por në Francë kemi parë si islamofobi ashtu dhe terrorizëm”, thotë ai.

“Vitet e fundit kam pasur një si gropë në stomak, sepse sa herë dhuna ekstremiste godet Francën, muslimanët francezë përballen me stigmatizim, edhe pse nuk kemi të bëjmë fare me të”.

Ai e quan vrasjen me prerje koke të mësuesit në Paris muajin e kaluar “një akt i pabesueshëm, i një mizorie të paprecedentë”.

Ndërsa kur tre njerëz u vranë një javë më parë në bazilikën e Notre Dame në Nice, Benferhat thotë se u trazua aq shumë sa që vendosi të bëjë diçka “në mënyrë që të gjithë të zgjohen.”

Benferhat, i cili punon në kompaninë franceze Total dhe jep mesime futbolli në një klub lokal, thotë se ka mbledhur disa shokë për iniciativën, e cila tashmë ka tërhequr vëmendjen e mediave, por bashkë me të dhe abuzim nga grupet e të djathtës ekstreme.

Por Benferhat thotë se reagimi ka qenë “90% pozitiv.”

Trupi i tij tashmë mendoj ta çojë më tej idenë, duke e përsëritur për Krishtlindje si dhe në qytete të tjera.

FOTO GALERI

2/3

Benferhat punon në kompaninë franceze Total dhe jep mesime futbolli në një klub lokal

Top Channel