Rexhep Selimit i konfirmohet aktakuza, nesër udhëton në Hagë
04/11/2020 19:42
Konfirmohet rasti i parë me linë e majmunëve në Kosovë
27/12 09:48
Ish-komandanti i Ushtrisë Çlirimtare të Kosovës Rexhep Selimi nesër do të udhëtojë drejt Hagës, pasi sonte i është konfirmuar aktakuza nga Gjykata Speciale.
Lajmi është bërë i ditur nga vetë Rexhep Selimi përmes një njoftimi në Facebook.
Postimi i plotë:
Të nderuar miq, bashkëluftëtarë, qytetarë e bashkëkombës të mi!
Sonte në orët e mbrëmjes jam njoftuar nga Dhomat e Specializuara se ka një aktakuzë të konfirmuar për mua.
Prandaj, po e ndjej për obligim t’ju njoftoj se nesër do të udhëtoj për Hagë (Holandë) që të përballem me këtë sfidë që i është vënë Ushtrisë Çlirimtare të Kosovës, para së gjithash.
Unë po shkoj me kokën lart dhe kurdo që kthehem do kthehem po ashtu me kokën lart sepse isha, jam dhe do të jem ushtar i Ushtrisë Çlirimtare të Kosovës për të cilën jam i gatshëm të jap gjithçka nga vetja ime. Ideali i asaj ushtrie të lavdishme është mbi mua, mbi këdo, mbi gjithçka.
Mirë u takofshim në fitoren e Ushtrisë Çlirimtare të Kosovës!
Kam ditur e do të di gjithmonë ta mbroj lirinë e popullit, shtetin e Kosovës dhe UÇK-në e lavdishme.
Top Channel
