Ministrat e G7-ës takohen në Itali për të diskutuar për konfliktet 25/11 09:40
Turqi- Qyteti turk i Izmirit u trondit sot nga një tërmet 6.6 i shkallës Rihter, sipas mediave vendase, i cili është ndjekur edhe nga 67 pas lëkundje, 13 nga të cilat të një magnitudë më shumë se 4.0. Sipas dëshmitarëve, njerëzit vrapuan në rrugë në panik në qytetin bregdetar, i treti më i madhi në vend.
Kryebashkiaku i Izmirit, Tunc Soyer, tha se rreth 20 ndërtesa janë rrëzuar në province dhe se 70 vetë janë shpëtuar nga rrënojat. Kërkimet ndërkohë në rrënoja vazhdojnë , me dhjetëra punonjësit të shpëtimit të dërguar në zonë. Në përpjekjet e shpëtimit janë angazhuar edhe dy helikopterë ushtarake. Ministria turke e mbrojtjes ngriti menjëherë një grup krize për tërmetin, ndërkohë që më urgjencë reagoi dhe ministria e transportit dhe infrastrukturës e cila garantoi që të mos kishte probleme të lëvizjes apo komunikimit.
Duke shprehur të gjithë solidaritetin e tij, presidenti Rexhep Tajip Erdogan tha se Turqia është në këtë moment “në krah të qytetarëve të saj të prekur nga tërmeti”. Ankara njoftoi se ministrat e Jashtëm të Turqisë dhe Greqisë – dy vende të përfshira në një mosmarrëveshje të ashpër mbi pronësinë e burimeve të mundshme të hidrokarbureve në Mesdheun lindor – folën me telefon pas tërmetit dhe thanë se ishin gati të ndihmonin njëri-tjetrin. Qendra Sizmologjike Evropiane-Mesdhetare thotë se tërmeti kishte magnitudë prej 6.9 shkallësh me një epiqendër 13 kilometra në verilindje të ishullit grek të Samos. Shërbimi Gjeologjik i Shteteve të Bashkuara njoftoi për një fuqi 7.0 shkallë të Rihterit. Janarin e këtij viti, me shumë se 30 njerëz vete u vranë dhe 1,600 u plagosën kur një tërmet goditi provincën lindore të Elazig të Turqisë.
Top Channel
