Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Samuel Eto’o shpërtheu me kritika ndaj organizatorëve të “Topit të Artë”, duke i akuzuar për mungesë respekti, pasi e renditën mes pretendentëve për një vend në krahun e djathtë të sulmit në formacionin më të mirë të të gjitha kohërave.
Sulmuesi legjendar kamerunas u tërhoq nga futbolli vitin e kaluar, pas një karriere të magjishme, ndaj “France Football” e ka konsideruar një kandidat potencial për të një vend në “11-shin e më të mëdhenjve”.
39-vjeçari është zemëruar për faktin që konkurron me emra të cilët nuk janë aktivizuar në pozicionin e tij:
“Faleminderit, por unë kam luajtur vetë 1.2 sezone në të djathtë (megjithatë kam 25 vjet karrierë si qendërsulmues). Kjo është mungesë respekti, France Football!”
Eto’o u listua krah emrave të tillë si: David Beckham, George Best, Luis Figo, Garrincha, Jairzinho, Kevin Keegan, Lionel Messi dhe Arjen Robben.
Lojtarët e nominuar për rolin e qendërsulmuesit (ku pretendon të ishte Eto’o,) nga organizatorët e “Topit të Artë” ishin: Dennis Bergkamp, Johann Cruyff, Kenny Dalglish, Eusebio, Sandor Kocsis, Gerd Muller, Romario, Ronaldo, Marco Van Basten dhe George Weah.
Eto’o spikati fillimisht te Mallorca, përpara se nënshkruante me Barcelonën, që ia rrëmbeu Real Madridit. Ai shënoi 130 gola për “blaugranat” në një periudhë kur konsiderohej ndër sulmuesit më të mirë në Europë. Më pas, kaloi tri sezone tek Interi, ku shënoi mesatarisht një gol në dy ndeshje, para se të nënshkruante një kontratë “faraonike” me Anzhi Makhachkalan.
Ai vlerësohet si një nga sulmuesit më të mëdhenj afrikanë në histori dhe mbetet shënuesi më i mirë në historinë e Kupës së Kombeve të Afrikës.
Merci,
Mais j’ai joué 1,2 saisons sur la droite (pourtant j’ai 25ans de carrière comme avant centre)
Le manque de Respect.@francefootball N’IMPORTE QUOI! pic.twitter.com/2vmb0uuhIl— Samuel Eto’o (@setoo9) October 19, 2020
Top Channel
