Tirana mbetet në dorë të Refik Halilit, Gjykata pezullon ankandin deri në shqyrtimin e çështjes në themel 24/04 12:50
Italia U21 nuk do të luajë as nesër në mbrëmje në Pisa përballë Irlandës në sfidën e vlefshme për eliminatoret e Euro 2021-shit, pasi në grupin e futbollistëve të grumbulluar nga trajneri Paolo Nicolato kanë dalë disa të prekur nga Covid 19.
Nëpërmjet një komunikate të shpërndarë pasditen e sotme, Federata Italiane e Futbollit deklaroi se në ndeshjen e nesërme Italia do të përfaqësohet nga skuadra U20, e cila ishte njoftuar më herët të qëndrojë në gatishmëri.
Futbollistët e Italisë U20 u janë nënshtruar dy testeve gjatë ditëve të fundit dhe kanë rezultuar të gjithë negativë, ndërsa FIGC ka kërkuar që t’u shtojë edhe emra si Cutrone, Ricci, Sottil e Tonali nga skuadra U21.
“Na vjen keq, por kemi ndjekur çdo rrugë të mundshme në një situatë tejet komplekse. Jam krenar për stafin dhe futbollistët e mi. Sjellja e tyre dhe sensi i përgjegjësisë më nderojnë më shumë sesa një fitore”, u shpreh trajneri i Italisë Paolo Nicolato.
Top Channel
