Gjimshiti kampion i Ligës së Europës, Atalanta mund Leverkusenin dhe ngre trofeun 22/05 22:50
Pas shumë surprizash dhe zhvillimeve të papritura, “Roland Garros 2020” nuk rezervoi përmbysje të bujshme në përballjet e fundit. Novak Djokoviç mundi Karen Khachanov në tri sete (6-4, 6-3, 6-3) duke treguar, si zakonisht, qëndrueshmëri në lojën e tij.
Kampioni serb kishte disa momente tensioni, duke pasur parasysh ecurinë e ndeshjes, në fund të setit të parë, por si gjithmonë e pati në kontroll të plotë ndeshjen. Numri 1 në botë mbetet një nga favoritët më të mëdhenj së bashku me Rafael Nadal.
Performancë e shkëlqyeshme edhe nga Stefanos Tsitsipas kundër Grigor Dimitrov (6-3, 7-6, 6-2). Megjithëse Bullgari luftoi me shumë vendosmëri, ai nuk ishte në gjendje t’i rrëmbente qoftë një set tenistit grek. Numri 6 i renditjes ATP, i cili tregoi formë të shkëlqyer, do t’i duhet të përballet me Andrey Rublev në çerekfinale.
Rusi u përball me një nga tenistët më në formë, hungarezin Marton Fucsovics, të cilin e mposhti 3-1 me sete (6-7, 7-5, 6-4, 7-6). Ishte një lojë plot rivalitet, në të cilën numri 12 i botës arriti të imponohej, duke kaluar në raundin tjetër. Nuk pati probleme në fund të ditës Pablo Carreno-Busta, i cili fitoi tri sete kundër Daniel Altmaier (6-2, 7-5, 6-2).
Top Channel
