“Nuk kemi ndërmend të sulmojmë Europën”, Lavrov paralajmëron Bashkimin Europian: Nëse papritur tentojnë diçka ndaj do përgjigjemi ushtarakisht 08/02 23:00
Njëzetenëntë oficerë policie në Gjermani janë pezulluar për shpërndarje të fotove të liderit nazist Adolf Hitler apo të refugjatëve në dhoma gazi në celularët e tyre, raportojnë së fundmi autoritetet.
Shkëmbimet bëheshin në rrjete virtuale ‘chatroom’ të ekstremit të djathtë ku nga më të preferuarat ishin kryqet e thyera dhe simbole të tjera naziste, thanë zyrtarët në shtetin e Rhine-Westphalia.
Ministri i brendshëm i shtetit Herbert Reul tha se zhvillimi ishte “turp për policinë vendore”.
Hetimi vjen pas disa rasteve të ekstremizmit të djathtë mes shërbimeve gjermane të sigurisë.
Më shumë se 200 oficerë u përfshirën në aksionet në 34 stacione policie dhe shtëpi private, në lidhje me 11 të dyshuarit kryesorë, të cilët kishin shpërndarë më shumë se 100 imazhe neo-naziste në grupet e aplikacionit WhatsApp.
“Jam i turpëruar,” tha Frank Richter, kreu i policisë së Essen ku jetojnë shumica e të dyshuarve.
“Ekstremistët e djathtë dhe neo-Nazistët nuk kanë vend në policinë e Rhine-Westphalia apo në policinë gjermane,” tha ai.
Top Channel
