Lufta në Ukrainë, forcat ruse kapin një tjetër vendbanim në rajonin e Donetsk 27/11 11:14
Shtetet e Bashkuara të Amerikës kanë regjistruar një rekord rastesh të koronavirusit të shtunën me më shumë se 5 milionë njerëz tani të infektuar ndërsa zyrtari më i lartë i sëmundjeve infektive në vend ofroi më herët këtë javë shpresë se një vaksinë mund të jetë e vlefshme deri në fund të vitit.
Me një në çdo 66 banorë të infektuar, Shtetet e Bashkuara të Amerikës udhëheqin në botë për sa i takon rasteve të covid 19. Vendi tani ka regjistruar më shumë se 160 mijë viktima, thuajse një e katërta e totalit në botë.
Rekordi i zymtë vjen ndërsa presidenti Donald Trump nënshkroi urdhëra ekzekutivë që synojnë të ofrojnë ndihmë ekonomike për amerikanët e dëmtuar nga pandemia e koronavirusit pasi shtëpia e bardhë dështoi të arrinte një marrëveshje me kongresin. Të premten, departamenti amerikan i punës raportoi se rritja e papunësisë në SHBA është ngadalësuar ndjeshëm në korrik duke nënvizuar një nevojë urgjente për ndihma të mëtejshme qeveritare.
Ndërkohë, doktor Antoni Fauci tha për Reuters të mërkurën se mund të ketë të paktën një vaksinë efikase dhe të sigurt deri në fund të vitit. Por presidenti Trump ofron një këndvështrim më optimist duke thënë se ka mundësi që shba të ketë një vaksinë për koronavirusin në kohë për zgjedhjet presidenciale të 3 nëntorit.
Top Channel
