Shkarkohet kirurgu i njohur francez që kthente hundën e pacienteve në ‘patate’ (fotot)
25/11 15:52
Kryeministri britanik, Boris Johnson deklaroi se pret që vendi i tij t’i rikthehet në masë të madhe normalitetit nga mesi i muajit nëntor.
Me mbi 294,000 të infektuar dhe 45,000 viktima, Mbretëria e Bashkuar është sot një prej vendeve më të prekura nga koronavirusi në botë. Duke folur në Londër në një konferencë për shtyp, Johnson tha se ka besimin që Periudha e Krishtlindjeve, në dhjetor, do t’i gjejë familjet sërish të bashkuara.
“Kjo nuk është një periudhë e rëndësishme vetëm për familjet, por edhe për ekonominë e Mbretërisë së Bashkuar dhe miliona njerëz që punojnë në sektorë me të ardhura modeste. Ne shpresojmë për më të mirën, por përgatitemi për më të keqen”, tha Johnson.
Johnson shtoi se plani i tij mbetet “i kushtëzuar” dhe se sekreti i vërtetë I luftës kundër sëmundjes mbetet “veprimi kolektiv i popullit britanik”. Sipas të dhënave të Universitetit Johns Hopkins, koronavirusi ka prekur mbi 13.8 milionë njerëz në mbarë globin, ndërsa viktimat janë më shumë se 590,000. Mbretëria e Bashkuar është e treta në botë për nga numri i vdekjeve, pas Shteteve të Bashkuara dhe Brazilit.
Top Channel
