Zbulohen detajet tronditëse rreth vdekjes së Liam Payne/ Këngëtari u hodh vetë nga ballkoni i hotelit, po përpiqej të arratisej nga… 25/11 16:24
John Legend nuk ka më asgjë për të fshehur! Këngëtari amerikan ka folur për herë të parë për tradhëtitë e tij në të shkuarën gjatë një interviste për “Armchair Expert”.
Fituesi i çmimit “Grammy” tregoi se gjatë të 20-tave nuk ishte aspak besnik në një lidhje, por gjërat ndryshuan kur u njoh me Chrissy Teigen, bashkëshorten aktuale me të cilën u martua në vitin 2013.
“Kam histori të tmerrshme tradhëtie në të kaluarën. Kur isha në gjimnaz dhe në shkollë të lartë isha më i ri se të tjerët prandaj nuk merrja shumë vëmendje. Kur nisa ta merrja pak më vonë vëmendje, më pëlqeu shumë. Ndërkohë që isha në një marrëdhënie, tradhëtoja. Isha padiskutim i pasinqertë dhe egoist…Kjo ndodhi para se të bëhesha i famshëm,” u shpreh 41 vjeçari.
Megjithatë, Chrissy, me të cilën ka edhe dy fëmijë, Luna e Miles, i dha menjëherë shkëndija e patën kimi midis tyre. Ajo e bëri të kuptojë se ndjehej më i lumtur kur ishte i sinqertë.
“Je më i lumtur kur je besnik dhe je i dashuruar vetëm me një person. Në atë moment, vendosa se ai person ishte Chrissy. Vendosa të mos përzihesha më me asnjë tjetër,” shtoi John.
I pyetur nëse ndjen ndonjëherë presion në lidhjen e tij, duke konsideruar se ai dhe Teigen janë një nga çiftet më të komentuara të Hollywood, Legend u tregua tepër i sinqertë e tha se kjo është një arsye më shumë që ai mos të gabojë, pasi do të ishte “vetëvrasje karriere”.
Top Channel
