Policia Kufitare njoftoi se ka arrestuar dy shtetas turq, pasi kanë kundërshtuar me dhunë efektivët e policisë, pasi këta të fundit konstatuan se të rinjtë nuk plotësonin kriteret për të hyrë në Shqipëri.
Mbi H. Z 35 vjeç dhe A. Ç 29 vjeç rëndojnë akuzat “kundërshtim i punonjësve të policisë dhe rendit publik” si edhe “goditje për shkak të detyrës”. Njoftohet se materialet i kanë kaluar Prokurorisë së Rrethit Gjyqësor Tiranë, për veprime të mëtejshme.
Njoftimi i plotë i policisë:
Policia Kufitare arreston 2 shtetas të huaj, për kundërshtim me dhunë të punonjësve të Policisë.
Më datë 06.07.2020, në PKK Rinas, nga shërbimet e Policisë Kufitare u arrestuan në flagrancë dy shtetas të huaj, H. Z., 35 vjeç dhe A. Ç., 29 vjeç, të dy lindur dhe banues në Turqi.
Këta shtetas kanë kundërshtuar me dhunë kontrolloret e Policisë Kufitare gjatë intervistimit, pasi nuk plotësonin kriteret për të hyrë në Shqipëri dhe më pas kanë tentuar të vijonin lëvizjen me dhunë.
Arrestimi i tyre u bë për veprat penale ”Kundërshtimi i punonjësit të policisë së rendit publik” dhe ”Goditje për shkak të detyrës”.
Materialet i kaluan Prokurorisë së Rrethit Gjyqësor Tiranë, për veprime të mëtejshme.
Top Channel