“Na ke lënë syrin me lot, na thau shpirtin…”/ Agron Llakaj dedikim prekës në 6-mujorin e ndarjes nga jeta të bashkëshortes
24/11 12:12
“Made in America” nuk do të mbahet këtë vit dhe këtë e kanë bërë të ditur përfaqësues të Jay-Z.
Festivali i përvitshëm i organizuar nga kompania e reperit të famshëm, “Live Nation” që në 2012-ën, është anuluar për shkak të pandemisë së koronavirusit, por jo vetëm.
“2020-ta është një vit si asnjë tjetër.Po kalojmë një moment shumë të rëndësishëm në historinë e vendit tonë. Të gjithë bashkë po luftojmë pandemi paralele, Covid-19, racizëm sistematik dhe dhunë policore. Tani është koha të mbrojmë shëndetin e artistëve tanë, fansave, partnerëve dhe komunitetit, si dhe të fokusohemi në mbështetjen tonë për organizatat dhe individët që luftojnë për drejtësinë sociale e barazinë në vend,” njoftojnë organizuesit përmes një postimi në Twitter.
Koncerti i 50-vjeçarit pritej të mbahej në datat 5 dhe 6 shtator në Philadephia por si asnjëherë tjetër është shtyrë për vitin 2021.
Ndërkohë që të gjithë po mundohen t’i kthehen normalitetit, Jay-Z mori këtë vendim të papritur që ka mërzitur fansat.
“Live Nation” e fokusuar më shumë në muzikën live dhe ture, sipas Billboard, i siguron bashkëshortit të Beyonce një fitim prej 1.5 milionë dollarë për shfaqje.
Top Channel
