Çfarë thotë babai i Heidit për Romeon dhe a do ta lërë Heidi Italinë për dashurinë? Lajla Baci i thotë të gjitha
10/05 23:02
Insekte prehistorike të bllokuara në qelibar për 99 milion vjet kanë nxjerrë në dritë detaje mahnitëse rreth krijesave të asaj periudhe.
Një studim i kohëve të fundit ka përdorur kandrrat e ngecura në qelibar për të hedhur një vështrim më të qartë mbi botën e ngjyrave antike.
“Shkencëtarët do ta kishin të vështirë të përpiqeshin të imagjinonin vetë në hollësi sesi dukeshin krijesat prehistorike, sepse shumica e fosileve dhe eshtrave nuk na japin shumë të dhëna”, tha Pan Yanhong nga Akademia kineze e Shkencave.
Sipas tij, ngjyrat e mrekullueshme që kanë këto këto insekte të ruajtura në mënyrë perfekte, shkaktohen nga struktura mikroskopike në sipërfaqen e insektit. Nanostruktura e kësaj sipërfaqeje, e shpërndan dritën e gjatësive valore specifike dhe prodhon ngjyra shumë intensive.
“Ky mekanizëm është përgjegjës për shumë nga ngjyrat që ne njohim nga jeta jonë e përditshme. Ju mund ta keni parë ngjyrën strukturore që I bën pendët e palloit apo krahët e fluturave të duken plot shkëlqim”, shpjegoi eksperti. Studiuesit sqaruan se shumica e insekteve që janë gjetur të ruajtura kësisoj në qelibar, janë grerëza.
Top Channel
