Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Qyteti gjerman i Shtutgartit pati një natë të paprecedentë dhune; ajo që nisi si një festë të rinjsh gjatë fundjavës në park, përfundoi në përleshje me policinë dhe thyerjen e vitrinave të disa dyqaneve.
Mediat vendase e përshkruajnë si një nga trazirat më të forta që Shtutgarti ka përjetuar në historinë moderne. Anwar S., një 18-vjeçar që pa me sytë e tij të gjithë ngjarjen, thotë se nuk e kupton përse pas përplasjeve me policinë, të rinjtë u kthyen e dëmtuan dyqanet.
“Iu duk se ishin në një nga ato filmat amerikanë, kur mund të bësh çdo gjë”, u shpreh ai.
Përleshjet nisën mbrëmjen e së shtunës dhe vazhduan edhe ditën e diel. Situata u përshkallëzua kur një adoleshent u përpoq t’u largohej efektivëve që kishin nisur kontrolle për lëndë narkotike dhe ata e ndoqën nga pas. Në atë moment, grupe të tjera që ishin duke festuar, u mblodhën në shenjë solidariteti dhe sulmuan policinë.
19 policë mbetën të plagosur, ndërsa pati edhe grabitje në një argjendari, një dyqan telefonësh celularë dhe një tjetër për veshje sportive. Llogaritet se rreth 500 persona u përfshinë në trazira, shumica të rinj. Autoritetet thonë se alkooli i konsumuar me shumicë mund të ketë luajtur rol në episodin që tronditi qytetin.
Ich bin schockiert von dem Ausbruch an Gewalt, von den Angriffen auf die Polizei & den Zerstörungen in unserer Stadt. Das ist ein trauriger Sonntag für Stuttgart.
Wir analysieren das Geschehen sorgfältig. Eines muss klar sein:Es darf keine rechtsfreien Räume in Stuttgart geben. https://t.co/VY7167BjI2
— Fritz Kuhn (@FritzKuhn1) June 21, 2020
Top Channel
