Platforma globale “Plug and Play” hap dyert në Tiranë, Veliaj: Nga të fundit dolëm të parët në inovacion 31/01 22:50
Përfaqësuesi i Partisë Demokratike, Ervin Salianji, u takua në Lushnjë me disa fermerë të cilët thanë se ndihen të braktisur nga qeveria në kohën më të vështirë për ta.
Sipas ish-deputetit Ervin Salianji, bujqësia është sektori që nuk ka marrë asnjë qindarkë ndihmë nga qeveria. Ai ka shtuar se në regjistrat e shtetit llogariten si të punësuar rreth 461 mijë persona.
“Qeveria nuk flet për sektorin bujqësor. Bujqësia është në gjendje të mjerueshme në të gjithë vendin. Ne kërkojmë që të kthehet vëmendja tek fermerët dhe sektori bujqësor, që është një nga pjesët më të rëndësishme të ekonomisë së vendit”- theksoi Ervin Salianji gjatë bashkëbisedimit me fermerët, të cilët thanë se të gjithë ishin me kredi dhe ishin zhytur akoma më keq në borxhe këto dy muaj.
“Nafta është shumë e shtrenjtë dhe e paguajmë njësoj si karburantin e makinës së Edi Ramës”- u shpreh një fermer, ndërsa një tjetër i revoltuar tha se “qeveria nuk ka na ka fare në listë. Nuk na ka as për gjë, rrojmë apo nuk rrojmë.”. “Nuk marrin subvencion. Ka nxjerrë policët, ka bllokuar tregjet që fermerët të mos dalin e të shesin.”- tha një fermer tjetër.
“Ekonominë e kontrollojnë 2-3 oligarkë. U jep naftën, edhe portet, ndërtimin, shpërndarjen, magazinimin. Shqipëria punon për 10 vetë, ndërkohë që 3 milionë të tjerë vuajnë”-tha Salianji, i cili e krahasoi qeverinë Rama me një katastrofë.
“Në çdo sektor thonë që Rama është bërë më keq se virusi. Ata tremben më shumë nga katastrofa Rama, sesa nga virusi i koronës.”- u shpreh Salianji, ndërsa një fermer i revoltuar nga mungesa e hershme e mbështetjes nga qeveria tha se “Virusi ka 8 vjet, që kur ka ardhur Edi Rama në pushtet”.
Top Channel
