Një korsi e re biçikletash është shtuar në rrugën pranë Parkut Olimpik të Tiranës.
Punonjësit e mirëmbajtjes në Bashkinë e Tiranës kanë punuar deri në orët para të mëngjesit për t’i dhënë dorën e fundit vijëzimeve, dhe të gjithë elementëve të nevojshëm për garantimin e sigurisë së lëvizjes për pedaluesit.
Lajmin e mirë e ka ndarë me ndjekësit në rrjetet sociale vetë kryebashkiaku Erion Veliaj, i cili fton të gjithë përdoruesit e biçikletave për të përdorur sa më shumë hapësirat e dedikuara për ta.
Sakaq, kreu i Bashkisë së Tiranës ka ndarë me qytetarët edhe disa pamje nga puna në terren, e cila do të vijojë edhe në zona të tjera të kryeqytetit.
Top Channel
